Një muaj pas pranimit të aplikimit të Kosovës për anëtarësim në Këshillin e Evropës, deputeti nga radhët e partisë që është në qeverisje, Agon Batusha, thotë se Kosova i ka votat edhe në Asamblenë Paralamnetar të Këshillit të Evropës.
Ai duke folur për lotimin që ka bë Serbia për mospranim të Kosovës në këtë organizatë, ka thënë se i kanë marrë të gjitha masat që të ecët me siguri dhe se kanë pritur vetëm kur kjo çështje të hyjë në agjendë.
Ai në emisionin “Ditari” në Tëvë 1, tha se e njëjta situatë është edhe sa i përket Asamblesë Parlamentare të Këshillit të Evropës.
“Qeveria i ka marrë të gjitha masat bashkë me delegacionin e Kuvendit atje që te kemi një siguri, ne i kemi pasur votat dhe vetëm kemi pritur kur hyjmë në agjendë për votim, që është e njëjta gjë edhe në Asamblenë e Parlamentare të Këshillit të Evropës,por po presim kur të hyjë në agjendë për votim”, tha ai.
Aplikimi i Kosovës për anëtarësim në Këshillin e Evropës është miratuar nga Komiteti i Ministrave me mbi dy të tretat e votave të nevojshme më 24 prill.
Kosova aplikoi zyrtarisht më 12 maj të vitit të kaluar për anëtarësim në Këshillin e Evropës.
