Trepça dhe Bashkimi, do ta kërkojnë trofeun e parë të sezonit 2026/27 në basketbollin e Kosovës pasi këto dy skuadra do të përballen javën e ardhshme.
Më datën 15 shtator, në palestrën “Mizahir Isma” të Rahovec, Trepça – Bashkimi do të luajnë në finalen e Superkupës së Kosovës.
Me këtë trofe, paralajmërohet edhe sezoni i ri në Superligën e Kosovës në basketboll që zyrtarisht nis pas katër ditësh, pra më datën 19 shtator.
Trepça dhe Bashkimi ishin skuadrat që sezonin e shkuar luftuan për titullin dhe Kupën e Kosovës por në fund ishte ekipi nga Mitrovica që fitoi dy trofetë për të vazhduar dominimin në basketbollin kosovar.
Të dyja skuadrat përgatitjet për sezonin e ri, i kanë nisur muajin e shkuar ku edhe kanë zhvilluar ndeshje kontrolluese jo vetëm me kundërshtarë vendor por edhe të huaj për të qenë sa më të gatshme.
Gjithashtu, janë forcuar si me lojtarë të huaj dhe vendor, ndërsa në sezonin e ri synojnë të gjithë trofetë e mundshëm.
Në sezonin e ri, këto dy skuadra do të paraqiten edhe në fazën e grupeve të FIBA Europe Cup.
