Kombëtarja U16 e Kosovës në basketboll ka pësuar edhe disfatën e pestë rresht në fazën grupore të Kampionatit Evropian, Divizioni B që po mbahet në Shkup.
Të martën, Kosova U16 u mposht edhe nga Islanda dhe atë me rezultat shumë të thellë 100:47.
Islanda i fitoi të katër çerekët dhe ka dominuar në tërësi ndaj Kosovës, ku më i dalluari ishte Egzon Fazliu me 17 pikë dhe 12 kërcime.
Kosova U16, Grupin C e mbyll në vendin e fundit me pesë disfata në po aq ndeshje të luajtura, pasi para Islandës u mposht edhe nga Holanda (61:57), Kroacia (72:61), Danimarka (87:62) e Ukraina (77:55).
Pas përfundimit të fazës së grupeve, tani Kosova U16 do të luajë për plasma përfundimtar në këtë Evropian të Divizionit B
