Bashkimi i ka dhënë një goditje të madhe Pejës në çerekfinale të Superkupës së Kosovës, derisa e ka mposhtur me shifra 73:69, edhe pse në 39 minuta skuadra pejane ka qenë duke udhëhequr në këtë ndeshje.
Por kjo sfidë në fund la një shije të hidhur pasi ka përfunduar me incident, fillimisht ka pasur hedhje të mjetëve tymuese nga të dyja palët, e me pas edhe hyrje të shikuesve në parket. Gjithashtu ka pasur edhe përpjekje për përleshje mes tifozëve të dy skuadrave, ndërsa tifozët janë larguar nga palestra pas intervenimit të policisë.
Prentiss Nixon udhëhoqi Bashkimin me 16 pikë e 11 kërcime. Curtis Jones i kishte 17 pikë. Te Peja u dallua Isiah Umipig me 21 pikë. Bashkimi pas kësaj fitore në gjysmëfinale luan me Trepçën.
