Barcelona e ka konfirmuar rikthimin në stadiumin ikonik Camp Nou, i cili ishte duke u rinovuar qe më shumë se dy vjet.
Gjiganti katalunas përmes nje videoje interesante dhe mjaft speciale e ka konfirmuar rihapjen e stadiumit legjendar, e cila do të ndodhë më 10 gusht të këtij viti.
“Do të kthehemi në shtëpi, do të dridhim”, shkroi klubi katalunas në këtë video, ku ndër të tjera shfaqet edhe presidenti i klubit, Joan Laporta.
Barça ka luajtur përkohësisht në dy sezonet e fundit në stadiumin olimpik “Montjuic”, ndërsa nga sezoni 2025/26 do ta ketë në dispozicion stadiumin e famshëm “Spotify Camp Nou”.
Hapja do të ndodhë në turneun “Joan Gamper”, ndërsa rihapja do të jetë e pjesshme pasi stadiumi nuk është ende gati 100 për qind.
Tifozët e Barcelonës mezi presin të rikthehen në stadiumin ku kanë kujtime dhe përjetime të pashlyeshme.
