Barcelona ka hapur procedurw disiplinore kundër kapitenit Marc-Andre ter Stegen, mes shumë spekulimeve mbi të ardhmen e tij në klub dhe rolin e tij si udhëheqës i ekipit.
33-vjeçari kohët e fundit ka pohuar se marrëdhënia e tij me klubin është e mirë, por veprimet flasin më shumë se fjalët e tij.
Barça ka vendosur t’i ngarkojnë ekipit të tyre ligjor detyrën për të shqyrtuar sanksionet e mundshme për Ter Stegen, pretendojnw mediumet spanjolle, pasi ka zbuluar se ai nuk ka ndërmend të nënshkruajë pëlqimin e tij që klubi të paraqesë një raport dëmtimi në La Liga.
Pas operacionit në shpinë, Barcelona është e gatshme të përdorë rregullin e lëndimit emergjent për të ndihmuar në regjistrimin e Joan Garcias, por ata kanë nevojë për firmën e Ter Stegen për të dhënë pëlqimin e tij për të ndarë informacionin mjekësor.
Barcelona ende nuk ka regjistruar transferimet e reja si Marcus Rashford, Roony Bardghji ose Joan Garcia, por me Ter Stegen që thuhet se do të mungojë për katër deri në pesë muaj pas operacionit, mund të aktivizojë rregullin e lëndimeve të La Ligas.
Nëse një lojtar mungon për katër muaj, ekipet e La Ligës mund të përdorin 50% të hapësirës së limitit të pagës gjatë afatit kalimtar për të regjistruar një zëvendësues, ndërsa kjo shumë rritet në 80% nëse mungesa parashikohet të jetë më shumë se pesë muaj.
Në këtë rast, duke qenë portier, Barcelona mund ta vendoste atë hapësirë limiti page vetëm për regjistrimin e Garcias ose Wojciech Szczesnyt.
Gjiganti katalanas i ka kërkuar shërbimeve të tyre ligjore që të hapin menjëherë një procedurë disiplinore dhe të përcaktojnë nëse mund ta sanksionojnë Ter Stegen për vendimin e tij, duke e konsideruar atë të dëmshëm për klubin ekonomikisht dhe në kuptimin sportiv.
Në raport thuhet se Barcelona e kupton që Ter Stegen ka të drejtë të refuzojë të nënshkruajë, por gjithashtu mendon se duke nënshkruar një kontratë me klubin, ai ka edhe një sërë detyrimesh dhe përgjegjësish.
