Autore: Adea Mustafa
Paralajmërimi që tregon se punimet në këtë rrugu priten të përfundojnë me 10 nëntor është vendosur.
Por punimet në rrugën “Skënder Çeku”, në rrugën B në Prishtinë kanë mbetur në gjysmë.
E sipas disa banorëve, punimet nuk po presin që të përfundojnë brenda afatit të premtuar.
Për disa prej tyre e gjithë kjo po shihet se është bërë vëtëm për shkak të zgjedhjeve lokale.
“Kanë punu. Një ditë punojnë, tre-katër ditë veç rrin. Qe kqyre me kamiona me krejt tu nejt, s’punon kush, si i intereson… Kjo është veç në fushatë mule hallakate, prishe, rri, kurgjo. Ja ka dhon një kompanie çka po di unë çfarë kompanie, e ka hallakat sa me ditë që ka zgjedhje. Në vakt të zgjedhjeve i jepin zor mas anej kurgjo kërkujt”, shprehet një banor.
“E kanë bo këtë rrugë katastrofë, s’po bojnë kurgjo, kadal po punojnë. Shumë kadal. Për vota po e mashtronj njerzt”, thotë Ismet Nasufi – banor.
Ibrahim Fazliu, banor në këtë lagje, thotë se kjo gjendje e rrugës po u a vështirëson kalimin veçanarisht nënave me karroca.
“Mendoj që nuk është korrekt, kjo infrastrukturë e pa rregullt, ky qarkullim do me thënë njerëzit shpesh jesin se nuk është dy kahshe. Veç e di bllokohen shpesh këtë rrugë… Shpesh e kom pa nana me fëmijë me karroca që e kanë vështirë”, shprehet Ibrahim Fazila.
Por nga komuna thonë se punimet ishin ndalur për shkak të kushtëve atmosferike, mirëpo shumë shpejt punimet do të fillojn.
“Për shkak të kushteve atmosferike të dobëta të këtij muaji dhe të rreshjeve atmosferike të fundit, pjesa e punës apo punishtja është larg edhe atëherë mendoj se duhet me prit të drenohet ajo pjesë. Realisht të bëhen kushtet e favorshme që punimet kur të fillojnë të kenë cilësi dhe qëndruehmëri të gjatë. Atëherë në këtë rast i inkuarojm qytetarët të kenë durim edhe pak. Shumë shpejt do të fillojnë edhe do e kemi një rrugë fatastike në kryeqytet”, thotë Pëllumb Bajqinovci
Tutje ai shtoi se janë duke bërë përpjekje që mbrenda afatit kohor të përfundojnë punimet.
