Banorë e tri lagjeve në kryeqytet nuk po kanë ujë të pijshëm.
Krejt kjo për shkak një defekti në rrjetin e ujësjellësit në rrugën”Luan Haradinaj” në Prishtinë.
Mungesa e ujit i ka shqetësuar banorët e këtyre lagjeve.
“Po dikun mbrëm ka mesnata është ndal ujt. Ka provu shoqja me lëshu makinen të rrobaneve edhe e ka pa që s’ka ujë. Kem mbetur edhe sot. Jemi tu prit….Gjithëçka është shkret, banjo, makina, te enalarse krejt aty jonë grumbullu jonë bo tub, me prit me ardh ujt”, tha banori i lagjes “Dardania”, Emrush Elshani.
Ankesë të njëjtë ka edhe Sali Shala, banor në Lakrishte.
“Uji I pijës po ndalet bajagi shpesh. Edhe sot shumë ka pak ka pas. Edhe kur po vjen fëmija nuk po guxojnë me pi, se uji i ndytë…. Problem veç po duhet me ble. Duhet me I gjetë paret e me ble. 50 cent shishja çka ne bo”, tha banori i lagjes “Lakrishte”, Sali Shala.
Nga komuna thonë se janë njoftuar nga Kompania Rajonale e Ujësjellësit “Prishtina”, për këtë problem.
“Kryeqyteti ka marr informata nga KRU “Prishtina”për një problematikë që ka ndodhur në rrugën “Luan Haradinaj”. Kemi një problem në sistemin e ujit, realisht të rrjedhës së ujit edhe janë duke e sanu. Ka munges të ujit në komplet lagjen në Qender, tani në pjesën në Dardani, edhe një pjesë të lagjës Emshir. Na premtuan se deri në orët e pasditës do e sanojnë këtë problematik”, deklari Pellumb Bajqinovci nga Komuna e Prishtinës.
E nga KRU “Prishtina”, kanë thënë që defekti ka ndodhur aty për aty,
“Ky problem ka ndodh aty për aty. Defekt në rrjetin e ujësjellësit. Ekipet janë duke punuar dhe pritet rreth orës 14:00 me përfundu”, deklaroi Arjeta Mjeku.
Tutje, nga KRU kanë njoftuar se një pjesë të lagjeve uji është lëshuar, ndërkohë që po presin që i tërë sanimi të përfundoj brenda ditës së premte.
Mirëpo, kanë thënë që është paraqitur një problem me një valvulë të ujit. KRU ka thënë që ekipa nga terreni po mundohet ta rregulojë.
