Ujin është detyruar ta blejë.
Kjo madje nuk është hera e parë.
Meqë që nga mesnata e së hënës banorët e rrugës së “ Pejës” në Fushë Kosovë kanë mbetur pa ujë.
E se problem të ngjashme me ujin kanë pasur edhe në të kaluarën, e thotë ky qytetar.
“Dikun prej 00:00 të natës deri tash. Nuk ki tjetër rrugëdalje duhet me ble. Ka pasur në ndërkohë por kaq gjatë jo”, ka deklaruar qytetari, Bedri Trakaj.
Ka edhe nga ata qytetar që ndërprerjet e tilla të ujit i shohin si të arsyeshme.
“Këto ndërprerje të ujit normal që është telashe mirëpo duhet me e kuptu që ndodhin këto gjëra, janë të natyrshme. Mirëpo, evitimi i problemit është në kohë i arsyeshme dhe e mirëpresim”, ka deklaruar qytetari tjetër, Bajram Grajqevci.
Ndërsa Arjeta Mjeku, zëdhënëse në Kompaninë Rajonale Ujësjellësi “Prishtina” tregoi që sanimi i problemit është duke u bërë.
“Ju njoftojmë se gjatë natës së mbrëmshme kemi pas dëmtim të gypit në Rrugën “e Pejës” në Fushë Kosovë dhe si pasojë e rrjedhjes së madhe të ujit, jemi detyruar të bëjmë ndërprerje të ujit për atë zonë. Po ashtu ju njoftojmë se ekipa teknike tani është në teren dhe është duke punar në sanimin e gypit”.
Gypi i cili ishte i dëmtuar pas disa orësh intervenimi nga ana e KRU “ Prishtina” është rregulluar.
