Banorët e Mamushës kanë protestuar sot për shkak të mungesës së energjisë elektrike, duke bllokuar rrugën Piranë–Suharekë.
Ata u shprehen të shqetësuar nga ndërprerjet e shpeshta të rrymës, të cilat, sipas tyre, po vazhdojnë tash e një javë.
Protestuesit kanë bërë të ditur se edhe natën e Vitit të Ri e kanë kaluar pa energji elektrike, gjë që u ka shkaktuar vështirësi të mëdha në jetën e përditshme dhe në funksionimin normal të familjeve të tyre.
Në emër të protestuesve, Nahit Bütüç u ka bërë thirrje institucioneve kompetente që të ndërhyjnë urgjentisht dhe të gjejnë një zgjidhje të qëndrueshme për problemin e furnizimit me energji elektrike.
Banorët kanë paralajmëruar se protestat do të vazhdojnë derisa situata të normalizohet dhe të sigurohet furnizim i rregullt me energji elektrike.
