Dikush një e dikush nga dy shishe me ujë po detyrohen t’i blejnë.
Kjo, meqë banorët e rrugëve “Bedri Berisha”, “Valbona”, “Uran Ajeti”, “Alpet Shqiptare” dhe “Ramiz Kovaqi” në Prishtinë, kanë mbetur tash e disa orë pa ujë.
Sheribane Maloku është njëra prej qytetarëve që ka shprehur shqetësimin për këtë problem.
“Pa ujë kemi mbetur prej gjysmë së natës domethënë më shumë se 12 orë ka edhe më shumë 18 orë jemi pa ujë. Mirëpo edhe uji i pijshëm nuk pihet, uji kur vjen këtu uji i ujësjellësit kemi me rezervar, e rezervari gjithçka po ka nuk po pihet po duhet çdo ditë me e bartë ujin.00:55-01:04Po mundohemi me mbledh ujë e me mbijetuar sikur para luftës qysh kemi mbijetuar pa ujë gjithë qashtu edhe tash po mundohemi me mbijetuar”, tha Maloku.
Më ujë të blerë është duke u furnizuar edhe banori Liridon Përquku.
“Siç po e sheh edhe vet blejmë ujë. I thirra në telefon më thanë që dikur rreth orës 18:00 rregullohet. Kështu që u dashtë me dal me ble”, tha ai.
E ndërprerjet e tilla të ujit banori Isa Dervishaj, i sheh si ngarkesë të madhe.
“Telashe thuajse çdo të dytën ditë kemi me ujin, për shembull sot nuk ka ujë. Njeriu blen diçka në dyqane këtu dyqanet afër përndryshe është qysh thonë ngarkesë e madhe pa ujë”.
Ai madje ka një kërkesë drejtuar Kompanisë Rajonale të Ujësjellësit.
“Me rregulluar gjendjen sa më shpejtë. Jemi pagues të rregullt”, tha banori Dreshaj.
E për gjithë këtë shqetësim të banorëve Arieta Mjeku zëdhënëse në Kompaninë Rajonale të Ujësjellësit “Prishtina” ka një sqarim.
“Është njoftuar mbrëmë për ndalje të ujit për shkak të prishjes në rrugën Uran Ajeti. Sot është rregulla para orës 12:00. Pasi që është lëshuar prapë është paraqit një defekt. Tani është lëshuar dhe nuk ka problem”, tha ajo për Tëvë1.
Probleme të ngjashme të prishjes së gypave të ujit kishte edhe para pak ditëve në rrugën “Peja” në Fushë-Kosovë.
