Sot nis java e 12-të e Superligës në futboll, me dy ndeshje mjaft interesante në program.
Nga ora 13:00, në stadiumin e qytetit në Suharekë, Ballkani është nikoqir i Ferizajit.
Tri herë kampioni i Kosovës aktualisht renditet në vendin e dytë me 22 pikë, derisa skuadra ferizajase renditet e teta me 13 pikë.
Ndeshja tjetër e ditës së sotme është ajo mes Prishtinës dhe Gjilanit, e cila zhvillohet në stadiumin ”Fadil Vokrri”, më fillim nga ora 18:30.
Bardhekaltrit momentalisht janë lider në tabelë me 25 pikë, ndërsa Gjilani renditet në vendin e nëntë, me 11 pikë.
