Ballkani ka shënuar fitore shumë të thellë ndaj Prishtinës së Re dhe ka dalë në krye të tabelës.
Tri herë kampioni i Kosovës fitoi 6:1 të shtunën në stadiumin e qytetit në Suharekë.
Almir Kryeziu, Walid Hamidi dhe Valentin Serebe i shënuan nga dy gola në këtë ballafaqim. Ndeshja i takoi xhiros së 16-të të Superligës së Kosovës në futboll.
Pas 16 ndeshjeve, Ballkani kryeson në tabelë me 29 pikë, ndërsa Prishtina e Re mbetet e fundit me 14 pikë.
