Deputetja nga komuniteti boshnjak, Duda Balje ka thënë se ka pranuar telefonata nga disa persona nga Maqedonia e Veriut të cilët i kanë thënë se ka mundësi të diskutohet për në vend pune si profesoreshë, për të cilin kishte aplikuar më herët.
Ajo ka thënë se kjo ofertë i është bërë në këmbim të votës për Albulena Haxhiun të cilën tha se ka refuzuar.
“Pata disa thirrje nga persona që nuk janë direkt të politikës, por të shoqërisë. Para disa vitesh kam aplikuar për vendin e profesoreshës në Maqedoni sepse e kam shtetësinë dhe kam plotësuar kushtet, por ka qenë para sa vitesh dhe më nuk kam aplikuar. Tash kanë thënë se ka mundësi për të biseduar për vendin e punës nëse….Kam thënë jo, kam refuzuar sepse nuk i njoh këta persona dhe ka qenë e papranueshme mënyra si ma kanë ofruar. Dy-tri thirrje. Nuk jemi takuar, kanë qenë telefonata”, u shpreh Balje, para nisjes së seancës konstituive
