Madje Bajrami përmes një postimi në Facebook ka pyetur Qeverinë se kur do të fillojnë të punojnë diçka.
Sipas saj, kryeministri Kurti paradite lavdërohet për veprime të Policisë kurse kur flitet për dështime të Policisë ministrja e Drejtësisë, Albulena Haxhiu thotë se është kompetencë e Policisë.
“Këta mendojnë që qeverisja është “zgjedh e merr”. Nuk mundesh me u lavdëru paradite për disa veprime të Policisë e pasdite kur flitet për dështime të tyre me thënë se Qeveria nuk është përgjegjëse është kompetencë e Policisë”, ka shkruar Bajrami.
Teksa ka thënë se kjo Qeveri i ka zhgënjyer edhe përkrahësit më të mëdhenj që sipas saj, kanë ardhur nga të katër anët e botës dhe i kanë votuar.
“Po manipuloni amo mos mendoni se nuk vëreni. Po hyni në vitin e tretë të qeverisjes dhe numëroni vetëm dështime. I keni zhgënjyer edhe përkrahësit më të mëdhenj që kanë ardhur nga të katër anët e botës dhe ju kanë votuar”, shkroi tutje ajo./teve1.info./
