Sipas tij, kjo aktakuzë po tenton të kriminalizojë jo vetëm ish-krerët, por edhe luftën e UÇK-së.
“Është votuar shumë lehtë dhe kanë qenë një votim shumë i vështirë, sepse ka bartur sovranitetin te një Gjykatë te e cila ke besuar dhe e cila me punën e saj të deritanishme po tregon se je shumë larg pritjeve që ka pasur edhe opinioni, por edhe ata deputetë që e kanë votuar. Sepse haptazi, rastet e para, sidomos aktakuza ndaj katër udhëheqësve të UÇK-së është një aktakuzë tipike me motive politike, që bazohet në konstruksionin e një ndërmarrjeje të përbashkët kriminale dhe që tenton të kriminalizojë jo vetëm katër persona kyç të UÇK-së, por edhe luftën e UÇK-së, për të hapur rrugën e një rishikimi të historisë dhe një ripërcaktimi të një kornize të së ardhmes në raportet Kosovë – Serbi”, tha ai në “Këndi i Debatit” në Tëvë 1.
Bajrami potencoi se themelimi i Gjykatës Speciale ka qenë mashtrim politik. /Teve1.info/
