Kandidatja për deputete e LDK-së, Hykmete Bajrami, ka thënë se Kosova është nën sanksione të BE-së si shkak e Qeverisë Kurti.
Bajrami ka thënë se partia në pushtet po bërtet, po ofendon dhe shan nëpër tubime zgjedhore, ngase sipas saj pas katër viteve qeverisje nuk e ka asnjë rezultat.
Derisa, ajo ka shtuar se janë rreth 700 milionë euro projekte të cilat nuk janë realizuar që dy vite.
“Gjatë katër viteve, në çdo fushë ka pasur vetëm regres dhe skandale. Gati që dy vite Kosova është nën sanksione (masa ndëshkuese të BE-së). Përpos dëmtimit të imazhit të vendit për shkak të këtyre masave janë edhe rreth 700 milionë euro projekte të cilat janë bllokuar tash e dy vite”, ka shkruar Bajrami në Facebook./teve1.info/
