Ai thotë se nga disa shoqata brenda Sindikatës ka marrë propozime që të ketë protesta para objektit të Qeverisë dhe të gjuhet objekti me mjete të ndryshme.
“Para tre ditësh patëm një takim që menduam për disa tema tjera. Mua m’u imponua të bëhet një protestë dhe sot u dashtë të mirret vendim për protestë. Megjithatë dua të them se nga njëri prej kryetarëve të shoqatave më është thënë: kryetar po dalim në protestë sepse kanë kërkuar punëtorët mos kërko nga ne të jemi të disiplinuar si herat tjera. Ka qenë një propozim të dilet para Qeverisë edhe një që nëpër vendet e punës. Në moment kur një kryetar shoqate ka thënë se nuk garantoj për punëtorët e mi se nuk do gjuajn Qeverinë atëherë i kam pyet çka po do me thënë, ai ka thënë dua me bë atë që e ka bërë kryeministri me ministrat e tij sot”, tha ai.
I ftuar në emisionin “Ditari” në tëvë1, Azemi tha se në protesta ku sulmohen institucionet ai nuk do të marrë pjesë, duke ofruar edhe dorëheqjen e tij.
“Shiko të gjithë ata që kanë dhënë shumë për këto institucione mendoj jo duhet sakrifikuar një pagë por më shumë dhe aty ku gjuhet Qeveria e Kosovës, Jusuz Azemi nuk është kurrë edhe nëse mbesim pa paga sepse njerëzit kanë derdhur gjakun për t’i ruajtur këto institucione, absolutisht është më mirë të shkon në shtëpi Jusuf Azemi sepse ta sheh një gjë të tillë”, tha ai.
Por, sipas tij pjesëmarrësit e institucioneve e meritojnë një protestë të tillë të dhunshme.
“A e meritojnë, e meritojnë por megjithatë po themi Kultura jem është jo se kemi dhënë shumë edhe si Sindikatë që nga vitet e 90-ta kur këta fare nuk kanë qenë në këtë tokë dhe sot del thotë kam buxhet e t’i thotë fukarasë kemi rritje ekonomike, ska nevojë për ndarjen e Trustit. E kuptoj se këta nuk e kanë prioritet punëtorët sektorit privat sepse nuk dalin me komuniku me ta, kanë dalë kur kanë pas nevojë për votat e tyre dhe sot kur thotë nuk do të ketë rritje për punëtorët e sektorit privat nëse hynë dikush i sheh komentet e punëtërove nuk do më shumë të jap një version”, tha ai.
