Milot Avdyli do ta vazhdoj karrierën në Ukrainë, pasi i është bashkuar skuadrës Vorskla Poltava.
Transferimin e Avdylit në Ukrainë, e ka konfirmuar skuadra zvicerane Aarau, pjesë e së cilës ishte prej vitit 2021 kur iu bashkua nga Trepça ’89.
Detajet e transferimit të Avdylit nuk janë bërë të ditura, ndonëse raportohet se me Vorsklan do të firmos kontratë deri në fund të vitit 2026.
Aarau ka falënderuar Avdylin për kontributin dhe i ka dëshiruar suksese në Ukrainë, duke pasur parasysh se futbollisti me tipare sulmuese në total ka regjistruar 109 paraqitje për ekipin zviceran, ku ka shënuar 7 gola dhe ka bërë 10 asistime.
Këtë sezon, Avdyli ka shënuar 3 gola në 21 ndeshje të luajtura për Aaraun.
