Sipas tij, Escobar pas takimeve do i listojë të gjitha pikat me të cilat janë pajtuar dhe me cilat jo.
“Ardhja e të dërguarit special amerikan, Escobar nesër në Kosovë është një kornizë e korrigjimit të atyre çfarë u ka dhënë për detyrë gjatë kësaj periudhe 3 javore. Duke përfshirë këtu, kryeministrin Kurti, presidenten Osmani dhe të gjithë përfaqësueseve të partive opozitare. Escobar do ketë në dispozicion orë të tëra për të biseduar me ta, e më pas do t’i listojë ato pikat të cilat kanë rënë dakord dhe për të cilat nuk kanë rënë dakord”, deklaroi Avdia në emisionin “Infonata” në Tëvë1.
Kur kanë mbetur më pak se dy javë nga afati i Qeverisë së Kosovës deri kur serbët e Kosovës duhet t’i kthejnë targat ilegale në “RKS”, i dërguari i posaçëm i Shteteve të Bashkuara për Ballkanin Perëndimor, Gabriel Escobar, do ta nisë një raund të ri bisedimesh me liderët politikë në Prishtinë. /Tëvë1.info/