Analisti, Tomor Avdia ka thënë se përgjigjen e kryetarit të LDK-së, Lumir Abdixhiku ndaj letrës së kryeministrit në detyrë, Albin Kurti nuk e sheh si refuzim por si hapje të terrenit për një formë ndryshe të bashkëpunimit.
Avdia në emisionin “Këndi i Debatit” në tëvë1 është shprehur se propozimi I Abdixhikut për qeveri të tranzicionit është një mënyrë për të dalë nga ngërçi actual politik.
Sipas tij një qeveri e tillë është normale në shumë vende të botës dhe mund të formohet për 15 muaj ose 1 vit e gjysmë sa për të zgjidhur disa çështje.
“Unë nuk e shoh refuzim ftese por e shoh një hapje të terrenit për një formë ndryshe të bashkëpunimit të spektrit politik do të thotë është hedhur një top në skenën politike. Pra është një mënyrë për të dalë nga një krizë dhe në shumë vende qeveritë teknike janë normale janë qeveri të cilat zgjidhin disa cështje ose një ngërc politik. Duket që nuk është refuzim por është një ofertë për të nisur një kampanjë ndryshe për një qeveri ndryshe dhe që është shumë normale të realizohet për 15 muaj ose 1 vit e gjysmë dhe kjo qeveri pastaj ka një fazë tranzicioni e cila e kryen misionin e saj”, ka thënë Avdia.
Kryetari i Lëvizjes Vetëvendosje, Albin Kurti, të hënën i ka dërguar një letër kryetarit të LDK-së, Lumir Abdixhiku, në të cilën i ka kërkuar një koalicion qeverisës.
Ndërkaq, kryetari i Lidhjes Demokratike të Kosovës, Lumir Abdixhiku të martën i është përgjigjur negativisht kësaj letre të Kurtit duke e vlerësuar të pamundur bashkëpunimin me të.
Mirëpo, Abdixhiku ka propozuar krijimin e një qeverie tranzicioni, si opsion për dalje nga ngërçi institucional./teve1.info/
