I ftuar në “Këndin e Debatit” në Tëvë 1, Avdia theksoi se Lajçakut i është bërë e ditur edhe nga partitë opozitare se liberalizimi i vizave duhet të ndodhë sa më shpejt.
“Faktikisht me këtë vizitë në Prishtinë dhe Beograd tentojnë të mbajnë nën kontroll punën e tij në dialog, përfshirë këtu dy krerët drejtuesit e lartë të këtyre bisedimeve siç është Kurti dhe Vuçiq. Por unë do t’i kthehem sa i përket edhe një fakti tjetër se vet Kurti ka deklaruar mbrëmë se dialogu është një proces që merr kohë dhe u pa gjatë takimit që pati Lajçak me opozitën, është krijuar një togfjalësh ku të gjithë thonë se duhet të vijë njohja pastaj të diskutohen gjërat tjera”, tha ai.
Sa i përket liberalizimit të vizave, Avdia shton se këtë të drejtë e gëzojnë shumë shtete tjera të cilat “janë kampione të korrupsionit”.
Sipas tij, Kosova tashmë e ka dëshmuar që e meriton ta gëzojë të drejtën e liberalizimit, duke përmendur faktin se organizon zgjedhjet më të mira në rajon.
“Duke llogaritur se Kosova standardin ose klimën e saj politike përfshirë këtu zgjedhjet është shteti më i miri që organizon zgjedhjet në rajon, duke llogaritur kufijtë është ndër shtetet më të mira që i kontrollon kufijtë. Të gjitha kriteret është në avantazh jo me shtet e lindjes, por edhe të rajoni dhe është vendim politik unë e shoh që Brukseli është pranë një presioni të madh”, shton ai.
Ndërkaq, për vizitën e së mërkurës në Beograd, Avdia vlerëson se Lajçak tashmë ka marrë mesazhin e qartë politik nga lidershipi kosovar se liberalizimi duhet të ndodhë sa më parë.
Madje, ai u shpreh edhe optimist që deri në fundvit kjo çështje të jetë e kryer.
“Ai udhëton drejt Beogradit. Nga këtu besoj ka marrë një mesazh të qartë, politika e Kosovës ia ka bë të qartë se liberalizmi duhet të mos vonohet dhe shpresoj që në dhjetor qytetarët e Kosovës do ta kenë vendimin në samitin e dhjetorit ky vendim pse është i vonuar shumë dhe i cili është pritur gjatë duhet të vijë dhe kjo temë të mos diskutohet më. Unë mendoj që edhe Kurti duhet të kufizohet në dialog edhe me këtë temë të mos udhëtojë drejtë Brukselit pa e marrë një datë të saktë për liberalizim”, shtoi ai. /teve1.info/
