Kjo pasi që sipas tij, marrëveshjet që po nënshkruhen mes dy vendeve nuk po gjejnë zbatueshmëri.
“Faktikisht numri kaq i madh i firmosjes së marrëveshjes në mbledhje është një lajm jo i mirë për arsye se unë praktikisht dua që marrëveshjet ekzistuese të zbatohen dhe mos të fryhet ky numër i marrëveshjeve për të mos u bërë publicitet te dy palët shqiptare që kemi një numër kaq të madh, por zbatueshmëria e tyre është shumë e pakët. Dmth zbatueshmëria e marrëveshjeve deri më tash është më poshtë se 50 për qind e tyre”, deklaroi Avdija.
Ai në emisionin “Ditari” në Tëvë 1 ka përmendur marrëveshjen e nënshkruar të hënën mes dy vendeve për qarkullimin e lirë të njerëzve, për të cilën thotë se është nënshkruar gjatë 2018-ës.
Lidhur me moszbatueshmërinë e kësaj marrëveshjeje, ai hedh fajin te kryeministri shqiptar, Edi Rama dhe te Qeveritë e Kosovës.
“Duhet përmendur se nga marrëveshjet që janë firmosur, ajo për lëvizjen e lirë, qarkullimin e tyre. Kjo ka qenë firmosur në vitin 2018 nga ish-ministri, Pandeli Majko dhe ka qenë zbatimi i saj në vitin 2019. Dmth ka qenë një marrëveshje që duhej të ishte që katër vite e zbatueshme dhe këtu faji është hedh në dy anët e qeverive përfshirë këtu Ramën që është përgjegjësi kryesor për fajin se ka qenë gjithë kohës kryeministër, por në Kosovë ka pasur disa palë zgjedhje dhe qeveritë kanë ndryshuar”, shtoi ai./teve1.info/
