Mëngjesin e hershëm të së premtes, dyert e kullës së Isa Boletini u hapën në Boletin të Zveçanit.
Kjo për të pritur qytetarë nga mbarë vendin në ditën e 28 nëntorit, Pavarësisë së Shqipërisë.
Flamujt kuq e zi ishin të vendosur në hapësirat e kësaj kulle.
E në kullën e Isa Boletinit, si çdo vit tjetër edhe këtij vit mysafirët i prit stërnipi i Isa Boletinit, Gazmend Boletini.
“Qysh nga fillimi i muajt nëntor edhe sot ne po i kurorëzojmë shumë vizita të shumta të qytetarëve madje edhe nga institucionet qendrore, besoj qe kemi arritur për krejt këtë muaj qytetarëve duke filluar institucionet akademike e deri të kopshtet e fëmijëve të japin informatë ë këtij vendi me vlerë, prandaj ky vend është pjesa më e rëndësishme e pavarësisë së Shqipërisë, për arsye se Isa Boletini e vulos duke thënë se unë jam mirë kur është mirë Shqipëria, për mua si familjar ka qenë kënaqësi që të presim mysafirtë”, u shpreh ai.
Nga qyteti i Istogut, i veshur sikurse Isa Boletini, në ditën e 28 nëntorit për vizitë e homazhe erdhi edhe Sadik Maxharraj.
“Isa Boletini është i madh, ky është një monument, historik kulturor i shqiptarëve që do të jeton me shekuj me radhë. Këtë veshje që kam unë rrallë kush e ka në trojet shqiptare, se nana tonë e që kanë bo në vek kanë vdekur”, u shpreh ai.
Vend historik me vlerë të rëndësishme po shihet kjo kullë nga shumë qytetarë.
“Kulla e Isa Boletinit, është një monument historik, një shenjë e rezistencës, heroit tonë Isa Boletini…., tha qytetari Isuf Mavraj.
E familjari i Isa Boletinit, Enver Boletini, ka treguar se si i mbajti për afër 3 vjet eshtrat e Isa Boletinit brenda shtëpisë së tij në fshatin Veriq të Istogut.
“Diku dy vjet e shtatë muaj i kemi majtë në shtëpi, edhe e kemi pas një kasafortë të blindime, me tetë ndarje, ku eshtrat e Bacit Isë kanë qenë të parat. Ka qenë përgjegjësi e madhe por edhe nderë, dhe pastaj jemi marrë vesh me bacin Xhavit babën e Gazmendit që eshtrat mu varros në Boletin”, tha ai.
Homazhe këtu bënë edhe përfaqësues nga institucionet e vendit.
“Për ne burrat e mëdhenj si Isa Boletini, janë zakonisht vlerë e madhe e kombit, që janë simbol i rezistencës, e gjithashtu ai ishte edhe një ushtar i pa epur për çlirimin e trojeve shqiptare, për ne do të shërbeje si model dhe për brezat që vijnë që ne të vazhdojmë të ndjekim rrugën e tyre për një vend më të mirë dhe me të zhvilluar”, u shpreh kryetari i Kuvendit Dimal Basha.
Kori i qytetit gjatë ditës qëndroi brenda kullës së Isa Boletini, ku edhe interpretuan këngë patriotike e himnin kombëtare.
Gjatë ditës, në shkollën “Isa Boletini” u mbajte edhe një aktivitet kulturor, ku nxënësit e kësaj shkolle në nderë të ditës së flamurit kishin përgatitur disa pika artistike.
