Alvaro Morata ka shënuar një gol dhe ka bërë një asistim për ta udhëhequr Atletico Madridin drejt fitores ndaj Alavesit. Të dielën mbrëma, Atletico fitoi me rezultatin 2:1. Ndeshja ishte e vlefshme për xhiron e 11-të të La Ligas spanjolle.
Morata në minutën e 26-të asistoi për Rordrigo Riquelme. Ndërkohë në minutën e parë shtesë në pjesën e parë realizoi për 2:0. Alavesi realizoi golin e vetëm në minutën e 96-të. Shënues ishte Ander Guevara.
Atletico mban vendin e tretë me 25 pikë, tri më pak se Real Madridi dhe Girona. Por Atletico ka një ndeshje më pak të luajtur. Alavesi është i 17-ti me nëntë pikë.
