Sulmuesi i Kosovës, Albion Rrahmani ka tërhequr vëmendjen e një prej klubeve më të njohura të Premier Leagues, ka bërë të ditur mediumi rumun “Fanatik” të martën.
Bëhet e ditur se Aston Villa ka shprehur interesim për Rrahmanin pas formës fantastike që 23-vjeçari po e kalon këtë edicion te Rapidi i Bukureshtit.
Në 15 ndeshje të luajtura deri më tani në kampionat, Rrahmani ka realizuar 13 gola dhe sipas mediumet rumun është profil i sulmuesit që po e kërkon trajneri i Aston Villas, Unai Emery.
Rrahmani ka kontratë me Rapidin deri në verën e vitit 2026, ndërsa pjesë e këtij ekipi është prej vitit të shkuar kur iu bashkua nga Ballkani i Suharekës për 600 mijë euro.
