Megjithatë, Kristjan Asllani do të largohet nga futbolli italian për të vazhduar karrierën në Superligën e Turqisë.
Asllani do t’i bashkohet Beshiktashit, ekip që tashmë ka arritur marrëveshje si me futbollistin shqiptar ashtu edhe me Interin, që posedon kartonin e mesfushorit.
Beshiktashi do ta huazojë Asllanin deri në fund të këtij sezoni, ndërsa do ta ketë opsionin e blerjes së tij në verë për 13 milionë euro.
Skuadra turke, gjithashtu do të mbulojë pagën e Asllanit deri në fund të huazimit, ndërsa gjithçka pritet të bëhet zyrtare brenda pak ditësh.
Asllani ka kontratë me Interin deri në verën e vitit 2028 por në fillim të këtij sezoni u huazua te Torino, ekip që javë më parë njoftoi për prishjen e marrëveshjes për shkak se futbollisti i Shqipërisë nuk shihej si pjesë e projektit të klubit.
Këtë sezon, Asllani ka regjistruar 16 paraqitje për skuadrën e Torinos në të gjitha garat kurse në Itali ka luajtur edhe për Empolin.
