Arsenal ka ndryshuar planet e afatit kalimtar veror pas humbjes në ndeshjen miqësore ndaj Tottenhamit, duke shtuar një emër surprizë në listën e objektivave.
‘Topçinjtë’ tashmë kanë përforcuar skuadrën me Kepa Arrizabalaga dhe Noni Madueke nga rivalët e Ligës Premier, Chelsea.
Kapiteni i mëparshëm i Brentford, Christian Norgaard, gjithashtu u bashkua për të forcuar mesfushën, ndërsa Cristhian Mosquera nga Valencia u bë pjesë e ekipit.
Objektivi afatgjatë Martin Zubimendi përfundimisht bëri transferimin në veri të Londrës, pas vite interesimi nga trajneri Arteta.
Përpjekjet për të gjetur një sulmues përfunduan gjithashtu këtë javë, me nënshkrimin e Viktor Gyokeres nga Sporting Lisbona.
Megjithëse, Arsenali ka shpenzuar mbi 200 milionë euro këtë verë, ata pësuan një humbje 1‑0 në miqësoren e parasezonit ndaj Tottenham Hotspur, rivalit të përbetuar të veriut të Londrës.
Sidoqoftë, humbja mund të mos detyrojë Artetën të rikthehet në afatin kalimtar, por raportohet se Arsenali po përpiqet të shtojë alternativa në fazën e sulmit.
Sipas Diario AS, Arsenal është tërhequr nga ideja e transferimit të Rodrygos, për t’iu fokusuar nënshkrimit të Eberechi Eze dhe Anthony Gordon.
Eze është përfolur për një transferim në veri të Londrës këtë verë. Reprezentuesi i Anglisë ka një klauzolë lirimi prej 68 milion eurosh në kontratë, e cila skadon më 1 gusht, por raportohet se Arsenal nuk dëshiron të paguajë një shumë të tillë.
Edhe pse pozita e tij më e spikatur kur luan si mesfushor më i avancuar, mendohet se Arteta vlerëson shumë edhe adaptimin e tij në disa pozicione, teksa kërkon të shtojë më shumë gola në skuadër.
