Policia e Kosovës ka arrestuar një person të kërkuar në lidhje me një rast grabitjeje të ndodhur më 6 dhjetor 2024.
Sipas njoftimit zyrtar, sot rreth orës 01:00, njësitet policore të stacionit “Veriu” në Prishtinë kanë lokalizuar dhe arrestuar të dyshuarin A.A., mashkull, 40 vjeç, shtetas i Republikës së Kosovës.
Me vendim të prokurorit të shtetit, i dyshuari është dërguar në mbajtje, ndërkohë që hetuesit rajonalë janë duke vazhduar me veprimet e mëtejme hetimore dhe procedurale në lidhje me rastin.
Autoritetet nuk kanë dhënë më shumë detaje për rrethanat e grabitjes, por kanë theksuar se veprimet ligjore do të vazhdojnë deri në zbardhjen e plotë të çështjes.
Postim i plotë:
