Zëdhënësi i Policisë, Fadil Gashi ka bërë të ditur për teve1.info se deri tani të arrestuara janë infermierja që ka rrahur 70-vjeçaren, infermierja tjetër që ndihmoi në kryerjen e veprës dhe e dyshuara tjetër që ka incizuar videon.
“Të dyshuarat tani janë dërguar për mbajtje për 48 orë. Rasti tani ka kaluar në sektorin e hetimeve rajoneve të krimeve të rënda”, shtoi ai.
Një e moshuar është sulmuar sot fizikisht nga një infermiere në shtëpinë e pleqve “Orenda” në Pejë. Para mediave, një familjar i saj ka theksuar se e moshuara është me sëmundjen e Alzheimerit.
Po ashtu është bërë e ditur se gjendja e të moshuarës është e mirë, por e njëjta është e shqetësuar dhe duke marrë hapa qetësimi.
Tanimë e moshuara është larguar nga aty.
Tëvë 1 merr vesh se rasti ka ndodhur të shtunën, mirëpo është mbajtur fshehur deri më sot.
