Policia e Kosovës ka bërë të ditur se ka arrestuar një person me inicialet H.D., pasi i njëjti dyshohet se ka kryer veprën penale “Mbajtje në pronësi, kontroll ose posedim të paautorizuar të armëve”.
60-vjeçari, sipas Policisë, posedonte armë në mënyrë të paautorizuar, ku gjatë kontrollit nga njësia policore sot gjatë ditës në vendbanimin e tij në fshatin Celinë në Rahovecë, i janë gjetur dhe sekuestruar dy pistoleta dhe tre copë fishekë.
Në njoftimin e Policisë thuhet se “pas intervistimit me vendim të Prokurorit të Shtetit i dyshuari është liruar në procedurë të rregullt”.
