Policia e Shtetit ka arrestuar në flagrancë shtetasin J. B. (46) teksa po transportonte me automjet drejt kufirit me Greqinë 16 kilogramë lëndë narkotike.
Gjatë operacionit, shërbimet e policisë ndaluan për kontroll në fshatin Vishocicë, Devoll, automjetin që drejtohej nga J. B. dhe ka shpallur në kërkim një 37-vjeçar, D.M., bashkëpunëtor i 46-vjeçarit.
Shërbimet e policisë gjetën në bagazhin e automjetit një çantë sportive, brenda së cilës ishin 15 pako të mbështjella me natriban, me peshë totale 16 kg, lëndë e dyshuar narkotike kanabis sativa, të cilat janë sekuestruar.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
