Mbrojtja Civile e Gazës njoftoi të martën se ka ndaluar nxjerrjen e trupave të palestinezëve të vrarë për shkak të mungesës kritike të karburantit, e shkaktuar nga bllokada izraelite.
Agjencia tha se automjetet e saj janë jashtë funksionit pasi furnizimet kanë rënë nën minimumin e nevojshëm, duke detyruar pezullimin e operacioneve humanitare.
Ajo paralajmëroi se nuk mund t’u përgjigjet thirrjeve të emergjencës gjatë motit të keq, “pasi ekipet nuk janë në gjendje të arrijnë në zonat e prekura për shkak të mungesës së karburantit”, raporton Anadolu.
Njoftimi vjen mes dështimit të Izraelit për të zbatuar protokollin humanitar të armëpushimit në fuqi që nga 10 tetori, i cili parashikon hyrjen e karburantit dhe ndihmës humanitare në Gaza.
Agjencia u bëri thirrje organizatave ndërkombëtare të sigurojnë urgjentisht karburant për të mundësuar shërbimet emergjente.
Pavarësisht hyrjes së armëpushimit në fazën e dytë në janar, Izraeli vazhdon shkeljet e përditshme, duke shkaktuar viktima civile.
Kontrolli izraelit i pikës kufitare Rafah dhe kufizimet e rrepta mbi ndihmën kanë përkeqësuar ndjeshëm krizën humanitare.
