Dy 16 vjeçar të cilët ishin në kërkim policor për disa raste të vjedhjeve në Ferizaj janë arrestuar nga Policia e Kosovës.
Sipas njoftimit ata janë arrestuar si rezultat i katër bastisjeve në fshatin Talinoc i Muhaxherëve ku janë sekuestruar përkohësisht disa stoli ari.
Me vendim të prokurorit të shtetit për të mitur thuhet se të dyshuarit janë ndaluar për 24 orë.
“Më 01.04.2025, Njësia e Hetimeve e Stacionit Policor në Ferizaj, me urdhër të prokurorit të shtetit dhe me pëlqimin e familjarëve, ka kryer katër bastisje në fshatin Talinoc i Muhaxherëve. Gjatë bastisjeve janë sekuestruar përkohësisht disa stoli ari, të cilat pritet të krahasohen me rastet e raportuara të vjedhjeve në Ferizaj. Si rezultat i këtyre bastisjeve, janë arrestuar edhe dy persona të tjerë, të cilët ishin në kërkim policor: E.H. (16 vjeç) V.L. (16 vjeç). Me vendim të prokurorit të shtetit për të mitur, të dyshuarit janë ndaluar për 24 orë”, thuhet në njoftim.
Në njoftim po ashtu bëhet e ditur se më 31 mars janë arrestuar tre të dyshuar të tjerë për vjedhje në fshatin Dremjak të Ferizajt.
“Më 31.03.2025, rreth orës 22:00, hetuesit policorë të stacionit policor të Ferizajt arrestuan në flagrancë tre persona të dyshuar për vjedhje në fshatin Dremjak, komuna e Ferizajt:-A.H. (24 vjeç) -A.H. (20 vjeç)-E.S. (16 vjeç)”, theksohet në njoftim.
Hetimet thuhet se po vazhdojnë për zbardhjen e rasteve të tjera të mundshme të vjedhjeve të kryera nga ky grup në Ferizaj./teve1.info/
