Janë arrestuar tre të dyshuar për përfshirje në krim të organizuar dhe organizim të skemave piramidale në Gjakovë, raporton teve1.info
Sipas njoftimit të Policisë së Kosovës, të dyshuarit janë arrestuar në kaudër të aksionit “Verona” i filluar në muajin prill të këtij viti, derisa deri më tani numri i të arrestuarve ka shkuar në 16 veta.
“Sot, më 14.06.2023, policia, në vazhdimësi të operacionit të sipër-cekur, duke zbatuar urdhëresën e Gjykatës Themelore Prishtine-Departamenti Special, ka kryer kontrolle në tri lokacione në rajonin e Gjakovës dhe ka arrestuar tre të dyshuar po ashtu të dyshuar për përfshirje në veprat penale ‘krim i organizuar’ dhe ‘organizimi i skemave piramidale dhe bixhozit të paligjshëm’.
Policia me këtë rast ka gjetur dhe marrë disa dëshmi që lidhen me rastin.
Policia ka intervistuar tre të dyshuarit e arrestuar sot dhe me aktvendim nga prokuroi të njëjtit janë dërguan në mbajtje deri në 48 orë.
Gjithsej nga koha e zbatimit të këtij operacioni (05.04.2023) e deri më sot janë arrestuar dhe dërguar në mbajtje 16 (gjashtëmbëdhjetë) të dyshuar”, thuhet në komunikatë.
Sipas njoftimit, paraprakisht, lidhur me këtë aksion ishin arrestuar dhjetë veta në rajonin e Pejës dhe Prishtinës.
