Sipas tij, ky është dokumenti i parë zyrtar i Bashkimit Evropian i cili ka kërkuar njohjen reciproke mes Kosovës dhe Serbisë.
“Nëse i referohemi rezolutës së sotme, është një betejë e fituar. Po ndërtohet një momentum pozitiv për Republikën e Kosovës. Rezoluta është duke e treguar angazhimin e të gjithë deputetëve, shteteve e lobimeve. Votimi i kësaj rezolute tregon që edhe dialogu në BE ka filluar të jetë nga këndvështrimi i SHBA-së. Pra, një dialog që duhet të përfundojë me njohje reciproke. Rezoluta është dokumenti i parë zyrtar i Bashkimit Evropian që e kërkon njohjen reciproke në fund të dialogut në mes Kosovës dhe Serbisë. Prandaj, ky është një hap pozitiv jo vetëm për Kosovën por edhe për vetë Bashkimin Evropian”, tha ai në emisionin “Këndi i Debatit” në Tëvë1.
Miratimi i rezolutës nga Parlamenti Evropian, ku theksohet se marrëveshja finale mes Kosovës dhe Serbisë duhet të përfundojë me njohje reciproke po mirëpritet në Kosovë.
