Sipas tij, mosfutja e aplikimit të Kosovës në seancën e sotme të Komitetit të Ministrave të Këshillit të Evropës është një fitore e madhe e Serbisë dhe Rusisë.
“Qeveria e Kosovës nuk ka lobuar në nivelin e duhur, apo ndoshta nuk ka pasur koordinim të mirë me disa aleatë të rëndësishëm brenda Këshillit të Evropës. Nga dimensioni tjetër normalisht është një fitore e madhe e Serbisë dhe Rusisë, e gjithmonë kur ka një fitore për Rusinë është një humbje për SHBA-në. Disa vende të Evropës po vërehet që nuk po e dëshirojnë ekzistencën e Kosovës, sepse është jo normale t’i kemi të gjitha këto “jo, jo, jo”, sepse kjo në një mënyrë po e zbeh pavarësinë e Kosovës, është një “flakareshë për qeverinë Kurti 2”, tha Arifi në emisionin “Ditari” në Tëvë1.
Në takimin e mbajtur sot nga Komiteti i Ministrave në Torino, nuk ishte pjesë diskutimi aspak aplikimi i Kosovës për anëtare në Këshillin e Evropës.
