Arifi ka thënë se nuk beson që në Samitin e Bashkimit Evropian që mbahet këtë muaj do të merrën vendim për liberalizimin e vizave për Kosovën.
“Nëse e shikojmë nga shumë burime diplomatike të BE-së, nuk ka pasur një angazhim të tillë sa i përket këtyre grupeve teknike, ndihmuese, madje edhe komuniteti i Përfaqësuesve të përhershëm nuk ka pasur një diskutim të tillë, sepse agjenda është miratuar. Janë pesë pika në të cilat është edhe Ballkani Perëndimor si tërësi, mirëpo për viza nuk besoj që në këtë Samit merren vendime”, ka thënë Arifi.
Profersori universitar tha se vetëm nëse Franca dhe Gjermania dakordohen për çështjen e liberalizimit të vizave për Kosovën, mund të ketë ndonjë lëvizje.
“Besoj që më shumë do të jetë pjesë e debatit se çka do të ndodhë, por nuk besoj që në qershor do të merret një vendim i tillë për heqjen e vizave, vetëm nëse ka një vendim të fuqishëm politik. Pra nëse dakordohen Franca dhe Gjermania atëherë mund të ketë ndonjë lëvizje, po themi ashtu jo parimore”, u shpreh Arifi.
