Politologu, Dritëro Arifi, thotë se nëse nuk ka njohje të shpejtë nga Bashkimi Evropian për Kosovën, i bie që nuk ka plan, dhe kjo do të thotë se Kosova multietnike nuk do të ekzistojë.
Arifi, thotë se nëse BE do të besonte në Kosovën multietnike, do ta kishte njohur në vitin 2008.
“Unë e kam këtë hipotezë që po të kish besuar Bashkimi Evropian në Kosovën multietnike pra në këta kufi që është, ish dashtë me na njoft në 2008-tën. Momentin që nuk ka njohje të plotë nga BE dhe sjellja e BE-së dhe shteteve që na kanë njohur është injorancë totale ndaj pavarësisë së Kosovës edhe pse ata na kanë njohur nuk kanë interes shumë me na pa të zhvilluar. Unë mendoj që interesi shtetëror duhet me dallu prej atij kombëtar. Ky shtetëror po vërehet që ka degraduar, jo për shkak neve, por për shkak pikërisht të sponsorëve të shtetësisë së Kosovës, jo prej ShBA-ve, por prej BE-së. Nëse nuk ka njohje shumë shpejtë, atëherë BE nuk ka plan për Kosovën dhe rrjedhimisht i bie që për mendimin tim Kosova multietnike nuk do të ekzistojë në të ardhmen”, tha ai.
Politiolgu thotë se në Kosovë nuk ka çështje kombëtare, ndërsa në Shqipëri nuk ka politikë kombëtare.
“Cila është çështja kombëtare, unë nuk e kuptoj? Politika zyrtare e Kosovës nuk ka çështje kombëtare. Nëse flasim drejtë, nuk ka çështje kombëtare e as në Shqipëri nuk ka politikë kombëtare. Nëse flasim për politikë kombëtare duhet me u harru integrimi evropian”, deklaroi ai.
Ai thotë se vendet e vogla nuk kanë mundësi ta ndryshojnë politikën globale.
“Vendet e vogla nuk munden me ndryshu politikën globale, nuk ka ndodhur në histori që një vend i vogël e ka ndryshua politikën globale, përkundrazi fuqitë e mëdha e ndryshojnë politikën rajonale e atë globale. Unë mendoj që e kaluara është vështirë me u ndryshu, sepse rrethanat kanë qenë krejt të tjera, fuqia ushtarake ka qenë e limituar, ajo veç është diçka krejt tjetër”, shtoi ai./teve1.info/
