Arifi thotë se Kurti vetëm të sjellë njohjen në qendër ashtu siç ka thënë, pasi sipas tij propozimi franko-gjerman nuk e ka njohjen në qendër.
“Kryeministri po më duket shumë qesharak kur po thotë për planin e tij, duhet të bëhemi më serioz në politikën e jashtme. Ai vetëm duhet të na sjell njohjen në qendër siç ka thënë. Unë nuk pres asgjë më shumë nga ai vetëm njohjen. Propozimi franko-gjerman nuk e ka njohjen në qendër, vetëm njohje de fakto por jo de juro. Dëshira dhe mundësit janë dy gjëra të tjera”, ka deklaruar ai në emisionin “Këndi i Debatit” në Tëvë1.
Sipas tij, po ta kishte Kurti vëmendjen te marrëveshja finale nuk do të kishim pasur veprime çfarë kemi parë këto ditëve të fundit.
Ai shton se LVV-ja fjalën e fundit e thotë të parën.
“Shtrohet një pyetje provokative, kush mund ta ndalojë Amerikën, nëse dëshiron Amerika ta dëmtoj Kosovën, cila fuqi mundet me ndalu? Duhet me bë këtë pyetje dhe duhet pasur shumë kujdes në politikëbërje mos me fol fjalën e fundit të parën, zakonisht VV-ja e ka traditë këtë”, theksoi Arifi. /Teve1.info/
