Ish-ambasadori, Avni Arifi ka deklaruar se Kurti nuk i ka votat e nevojshme për të formuar qeverinë e re dhe se e vetmja mundësi që i ka mbetur është të “blejë ndonjë deputet”.
Sipas Arifit, asnjë nga partitë opozitare nuk do të hyjë në koalicion me Kurtin.
Ai theksoi se PDK, LDK dhe AAK e kanë bërë të ditur se nuk do të bashkëqeverisin me Vetëvendosjen, ndërsa votat e Nismës nuk do të mjaftonin për shumicën e nevojshme.
“Kurti nuk i ka votat, nuk ka si t’i merr votat, vetëm një shpresë e ka mos po arrin të blejë ndonjë deputet sepse dihet që PDK nuk shkon në koalicion, LDK nuk shkon, AAK nuk shkon, Nisma mundet të shkojë por nuk i mjaftojnë votat e Nismës, pra i ka mbetë edhe një apo dy deputet ka mungesë, të vetmin opsion e ka me ble ndryshe nuk mundet sepse me vet faktin që e ka caktu seancën po shpreson se ndoshta e marrin ndonjë deputet sepse tjetër aryse nuk e di pse e ka shpallë seancën për veqse po shpreson se janë si afër me e ble ndonjë deputet. Me PDK nuk ka fol sepse nuk është i interesuar me dëgjua prej tyre, por edhe VV ka thënë që nuk kemi ofertë për PDK-në dhe AAK-në, AAK-ja e ka bërë të ditur se në asnjë formë nuk qeveris me Kurtin. Kjo seancë ka kuptim nëse ka negociata me ndonjë deputet me ble se ndryshe nuk e di pse e kanë caktuar seancën”, deklaroi Arifi në emisionin “Ditari” në Tëvë1.
Ndryshe, më 26 tetor ditën e diele do të mbahet seanca e jashtëzakonshme plenare ku pritet të votohet zgjedhja e Qeverisë së Republikës së Kosovës./teve1.info/
