Sipas tij, Qeveria Kurti 1 dhe 2 ka dhënë më shumë mjete se të gjitha qeveritë shqiptare në Kosovë deri më tani, por pretendon që nuk është e mjaftueshme.
“Ne nuk kemi koordinim as në Kosovë as në Shqipëri se cila është strategjia jonë kombëtare ta ndihmojmë Luginën e Preshevës, por jo vetëm me fjalë.Të paktën Qeveria Kurti 1 dhe 2 ka dhënë më shumë mjete se të gjitha qeveritë shqiptare në Kosovë deri tash. Mirëpo ajo nuk është e mjaftueshme, është hap i vogël pozitiv, por nuk është i mjaftueshëm, sepse vetëm mjetet nuk do të thotë që do të përfundojnë punë atje. Prandaj duhet një strategji më e zgjuar se si me e ngritë vetëdijen kombëtare atje, pikërisht këtë unitetin, dhe mandej se si me mobilizu çështjen shqiptare në Luginën e Preshevës”, u shpreh Arifi.
Po ashtu, Arifi tha se duhet të formohet një fond i përhershëm për Luginën derisa të ketë ndonjë zgjedhje tjetër.
“Pra mungon një fond, këtu duhet të jetë ose një fond qeveritar ose duhet të gjejnë një mënyrë ligjore se si mund ta bëjë Kosova dhe Shqipëria një fond bashkë. Pra duhet të jetë një fond i përhershëm për atë Luginë derisa të gjendet një zgjedhje tjetër”, theksoi ai.
Ai mendon se për çështjen e Luginës së Preshevës, një rol më të madh duhet ta luajnë edhe Kosova edhe Shqipëria.
“Mirëpo nga ana tjetër, nëse flasim për dy lista, Parlamenti Evropian i ka 705 deputetë, në qoftë se dëshironi me ngrit çështjen shqiptare për veçse në parlament të Serbisë që e kanë bërë, ka qenë shumë e mirë, por ajo nuk është e mjaftueshme, sepse pavarësisht e di që ka ambasada të huaja në Beograd pra të partnerëve tanë, por nganjëherë nuk është e mjaftueshme, por ju duhet ta bëni të pamundurën të mundur, në kuptimin e asaj që normalisht duhet ta shfrytëzoni edhe infrastrukturën diplomatike që mund ta ketë Kosova dhe Shqipëria në favorin e çështjes shqiptare në Luginën e Preshevës, që i bie ata të jenë në shërbimin tuaj, pra që të keni takime me shumicën e Parlamentit Evropian”, deklaroi Arifi.
