Ai në emisionin “Ditari” në Tëvë 1 thekson se gjatë vizitës kanë biseduar rreth zhvillimeve në Luginën e Preshevës.
“Vizita ka shkuar shumë mirë, biseduam rreth 2 orë kryesisht me Veselin pastaj janë bashkëngjitur edhe baci Jakup edhe Thaçi. Patëm një bisedë të mirë, të gjatë nëse më lejohet të them sikur në odën e burrave, jemi ulur dhe biseduam rreth zhvillimeve të cilat janë në Preshevë për të cilët shqiptarët janë duke e përjetuar”, tha ai.
Ndërkaq, për mostakimin e tij me ish-deputetin e Lëvizjes Vetëvendosje, Rexhep Selimi dhe dy ish-krerët e OVL-UÇK, Hysni Gucati e Nasim Haradinaj, Arifi thotë se ndodhi për shkak të kohës së kufizuar.
“Nuk ka pasur lidhje kjo për arsye se sot ka qenë komisioni parlamentar aty dhe kanë pasë takim me të gjithë krerët, personat që janë përkohësisht të burgosur edhe kështu janë liruar gjatë takimeve kanë ardhur te unë ne kemi pasur kohën e kufizuar dy orë se me gjithë dëshirë kemi pasur dëshirë të takohemi me Rexhën edhe pse përkatësitë politke është ndryshe nga tjerët, unë kam shkuar të takojë krerët e UÇK-së”, shtoi ai.
Po ashtu, Arifi thotë se Thaçi e Veseli e uruan atë për rizgjedhjen e tij si kryetar i Preshevës, duke thënë se “shkurt i ranë, ma bënë përhajr më thanë bravo për këmbëngulësinë për ta udhëhequr Preshevën”.
