Kandidati për deputet nga radhët e Aleancës, Avni Arifi, ka deklaruar se partia e tij ka kaluar një periudhë rënieje, por sipas tij kjo fazë tashmë është përmbyllur dhe pritet një ngritje në zgjedhjet e 7 qershorit.
Arifi tha se Aleanca, pas koalicioneve të mëhershme, ka nisur të forcojë dhe risistemojë strukturat e saj të brendshme.
“Aleanca e ka përfunduar trendin e rënies. Aleanca është në një situatë ku unë s’e them me dëshirë, as nuk e them se kam qejf, por dihet sigurt që Aleanca do të ketë ngritje. Aleanca pas koalicionit me Nismën, jo pse ishte e keqe, por filloi ta marrë vetën në kuptim të forcimit dhe risistemimit të strukturave të veta. Në bindjen e shumë njerëzve, jo vetëm të lidershipit të Aleancës, njerëzit donin të luftonin për Aleancë, jo vetëm për Nismën, dhe paraprakisht zgjedhjet e mëparshme ne merrnim koalicionit dhe ia humbnim shanset njerëzve të mirë që i kishim nëpër degë”, deklaroi ai në emisionin “Këndi i Debatit” në Tëvë1.
Ai shtoi se në bazë të perceptimit të brendshëm në parti, mbështetësit janë më të fokusuar te Aleanca si subjekt politik.
“Pa marrë parasysh rezultatin e jo aq të lakmueshëm herën e kaluar është krijuar një frymë e brendshme shumë më e fuqishme, shumë më unifikuese e solidare”, tregoi ai.
Sipas Arifit, kjo frymë e re brenda partisë pritet të reflektohet edhe në rezultatet e ardhshme zgjedhore. /teve1.info/
