Arbër Hoxha ende nuk është futbollist i skuadrës Al Wahda nga Emiratet e Bashkuara Arabe, përkundër që marrëveshja është arritur me Dinamon e Zagrebit ditë më parë.
Ditë më parë, në Kroaci u raportua se Hoxha do të transferohet tek Al Wahda për 2.5 milionë euro, ndërsa 10 për qind të kartonit të tij, do ta mbajë skuadra e Dinamos.
Megjithatë, transferimi i Hoxhës në Emiratet e Bashkuara Arabe ende nuk është kompletuar dhe ka kohë.
Kjo për faktin se 27-vjeçari është duke biseduar për detajet personale të kontratës kurse afati i fundit për transferimin e Hoxhës do të jetë data 28 shtator, kur edhe mbyllet afati kalimtar në Emiratet e Bashkuara Araba.
Hoxha prej vitit 2024 është pjesë e Dinamos, ekip të cilit iu bashkua nga Slaven Belupo dhe për të cilin ka 14 gola e po aq asistime në 118 paraqitje.
Aktualisht, Hoxha është i grumbulluar me Kombëtaren e Shqipërisë për ndeshjet e Ligës së Kombeve pasi është ftuar nga selektori Rolando Maran.
