Sulmesi Arb Manaj ishte protagonisti kryesor në fitoren e skuadrës së tij, Zhenis Astana në kuadër të xhiros së dytë të Premierligës së Kazakistanit.
Zhenisi fitoi 1:0 në shtëpi ndaj Shakhter Karagandyt të enjten, falë golit të Manaj. Manaj golin e realizoi në minutën e 45-të, ndërsa ky është goli i tij i parë në paraqitjen e dytë me fanellën e Zhenisit.
Manaj ishte titullar në këtë ndeshje dhe u zëvendësua në minutën e 90-të, ndërsa te skuadra nga Kazakistani u huazua nga Drita e Gjilanit në fillim të këtij viti për gjashtë muaj.
Titullar te Zhenisi në fitoren ndaj Shakhterit ishte edhe sulmuesi i krahut, Iljasa Zulfiu që u transferua te kjo skuadër nga Dukagjini i Klinës javë më parë. Për Zulfiun, i cili u aktivizua deri në minutën e 88-të, gjithashtu ishte paraqitja e dytë për Zhenisin.
Pas dy ndeshjeve të zhvilluara në kampionatin e Kazakistanit, Zhenisi ka tubuar tri pikë.
