Në një lidhje telefonike në “Ditari” në Tëvë 1, ai vlerëson se në pjesën faktike, pra në zbatimin e marrëveshjeve ende ka probleme.
“Shikoni ‘de jure’ marrëdhëniet tona janë të mira që në momentin që Kosova ka shpëtuar nga kotelja serbe, që momentin që Kosova ka shpallur pavarësinë. Marrëdhënia jonë është e jashtëzakonshme që dmth në pjesën zyrtare ndërsa në pjesën faktike për hirë të vërtetës kemi probleme dhe duken dora dorës. Është e paimagjinueshme në kohën që Shqipëria dhe Kosova akoma të ketë kufizime doganore, kontrolle”, tha ai.
Sipas tij, problemet kryesore që po i shfaqin pengesat në zbatimin e heqjes së kufizimeve doganore mes dy vendeve, është “Ballkani i Hapur” dhe interesat e grupit të interesit.
“Ndërkohë që ‘Ballkani i Hapur’ shumë shpejt pretendon që t’i heq kufizimet doganore mes Serbisë, Shqipërisë, Maqedonisë dhe Malit të Zi. Ndërkohë që ne akoma nuk po arrijmë të bëjmë Shqipërinë dhe Kosovën për shkakun e vetëm që ju e dini interesat e grupeve të interesit ekonomik prevalojnë mbi interesat e qytetarëve të thjeshtë dhe mbi interesat e qeverisë dhe mendoj që ato janë shkaktarët kryesor që dy qeveritë tona janë të ngurta për të marrë një lirim të saj”, shtoi ai./teve1.info/
