Analisti, Arton Demhasaj thotë se kjo nuk do të ndodhë derisa të ketë një marrëveshje politike mes Kosovës e Serbisë.
“Tash çështja a mund të mbahen zgjedhjet apo jo në veri mendoj që jo. Nëse nuk ka marrëveshje politike para asaj kohe dmth mbajtja e zgjedhjeve është e pamundshme sepse i pamë deklaratat e partive të vogla serbe që morën pjesë në takim e thanë vet që nëse nuk ka një marrëveshje politike është e pamundur mbajtja e zgjedhjeve atje”, tha ai në “Këndin e Debatit” në tëvë1.
Sipas tij, edhe partitë e komunitetit serb nuk do të kenë guxim që të kandidojnë dhe të kërkojnë votën e qytetarëve atje.
Mendimin e njëjtë për dështimin e zgjedhjeve në komunat veriore e ka edhe politologu, Dritëro Arifi.
Ai deklaron se pas këtij dështimi, ajo zonë do të shpallet “zona gri” e cila nuk do të menaxhohet as nga Kosova e as Serbia derisa të gjindet një zgjidhje.
“Zgjedhjet kanë me dështu pikërisht për shkak të mospajtimeve. Pas dështimit do ta kemi një zonë gri, për shkak se Qeveria ka këkruar një gjë të tillë. Zona gri ka me qenë që nuk ka me u menaxhu nga askush, po themi se i kemi 2-3 policë por nuk kemi asgjë. Veriu do të merret derisa nuk ka marrëveshje politike mes Kosovës dhe Serbisë”, tha ai.
Madje, Arifi vlerëson se pas kësaj situate të krijuar, do të jenë dy opsione për Qeverinë Kurti – të formohet Asociacioni i Komunave me Shumicë Serbe ose të ketë ripërcaktim të kufijve.
“Tash këtu i kemi dy opsione, s’ka i tretë. Është Asociacioni të bëhet o ripërcaktim të kufijve nëse ska marrëveshje politike. Atë duhet pyetur kryeministrin, nëse ne themi se s’ka Asociacion ne duhet të jemi të gatshëm edhe për opsione tjera”, tha ai./teve1.info/
