Ambasadorja e SHBA-së në Shqipëri, Yuri Kim ka shkuar në një prej qendrave të votimit në Vlorë.
Diplomatja amerikane ka vëzhguar ecurinë e procesit. Në pamjet e siguruara nga Panorama TV, Yuri Kim shihet teksa bisedon me komisionerët në qendrën e votimit.
“Unë jam vetëm një person dhe duhet të presim dhe të dëgjojmë edhe vëzhgimet e vëzhguesve të tjerë. Më rëndësi është të shikojmë edhe përfundimet e ODHIR. Unë po udhëtoj në të gjithë vendin. Isha në Nivicë, në Selenicë, tani këtu dhe do shkoj të vizitoj edhe dy vende të tjera.
Nuk duhet të ushtrohet asnjë trysni mbi asnjë votues. Është e rëndësishme që çdo botues të ushtrojë të drejtën e tij. Asnjë nuk duhet ta shesë votën dhe asnjë nuk duhet ta blejë votën. Të zbatohen ligjet në mënyrë të njëtrajtshme në çdo situatë”, tha ajo, pasi monitoroi procesin.
