Është miratuar Udhëzimi Administrativ për Kontrollin e Rregullsisë Teknike për automjete në rrugë, kështu bëri të ditur Ministri i Infrastrukturës, Liburn Aliu.
Përmes një njoftimi në Facebook, Aliu ka thënë së ekipet mobile të angazhuara nga MMPHI-ja do të jenë vazhdimisht në terren për kontrolle rutinore në komunikacion, përgjithësisht mjetet motorike të cilët nuk i përmbushin kriteret e kontrollës teknike në komunikacion.
Ai tutje shtoi se do të kontribuojnë në përmirësimin e qarkullimit rrugor, shkarkimin e komunikacionit, si dhe sigurinë në trafik.
“Përmes këtij udhëzimi tejet të rëndësishëm e të domosdoshëm, që është punuar duke marrë parasysh praktikat më të mira të rajonit dhe BE-së, do të kontribuojmë në përmirësimin e qarkullimit rrugor, shkarkimin e komunikacionit, sigurinë në trafik, por edhe në mbrojtjen e ajrit dhe mjedisit”, ka shkruar Aliu./teve1.info/